மருதகாசி:
வாழ்க்கை குறிப்பு:
- ஊர் : மேலக்குடிகாடு, திருச்சிராப்பள்ளி மாவட்டம்.
- பெற்றோர் : அய்யம்பெருமாள் உடையார் - மிளகாயி அம்மாள்.
- மனைவி : தனக்கோடி அம்மாள்.
- ஆசிரியர் : ராசகோபால ஐயர்.
- காலம் : பிறப்பு : பிப்ரவரி 13, 1920-இறப்பு : நவம்பர் 29, 1989
- சிறப்பு பெயர் : திரைக்கவித் திலகம்
ஆசிரியர் குறிப்பு
தமிழ்த் திரைப்படப் பாடலாசிரியர் ஆவார்.
1949 இல் பாடல்கள் எழுதத் தொடங்கிய இவர் சுமார் இருநூற்று ஐம்பதிற்கும் அதிகமான திரைப்படங்களுக்கு நாலாயிரத்திற்கும் அதிகமான பாடல்கள் எழுதியுள்ளார்.
கல்வி:
உள்ளூரில் தொடக்கக் கல்வி பயின்றார் பின்பு, கும்பகோணத்தில் உள்ள அரசுக் கல்லூரியில் சேர்ந்து, உயர் கல்வி கற்றார்.
திருமண வாழ்க்கை:
1940 ஆம் ஆண்டில் திருமணமானது.
மருதகாசிக்கு 6 மகன்கள், 3 மகள்கள் உள்ளார்கள்.
திரைப்பயணம்:
- கல்லூரி படிப்பிற்குப் பிறகு "தேவி நாடக சபையின்" நாடகங்களுக்கு பாடல்கள் எழுதி வந்தார்.
- எம்.ஜி.ஆர்., சிவாஜிகணேசன் ஆகியோருக்கு மிகச்சிறந்த பாடல்களை எழுதியவர்.
- கருணாநிதி எழுதிய மந்திரிகுமாரி என்ற நாடகத்திற்கு பாடல் எழுதியுள்ளார்.
முதல் பாடல்:
1949-இல் சேலம் மாடர்ன் தியேட்டரின் மாயாவதி என்ற படத்திற்கு
பெண் எனும் மாயப் பேயாம் ....
பொய் மாதரை என் மனம் நாடுமோ ....
என்று தொடங்கும் பாடலே மருதகாசி எழுதிய முதல் திரைப்படப் பாடலாகும்.
சிறப்பு :
- "கலைமாமணி" பட்டம் பெற்றுள்ளார்.
- "துணைவன்" படத்திற்காக சிறந்த பாடலாசிரியர் விருது பெற்றார்.
- “மருதமலை மாமணியே முருகையா” பாடல் தமிழக அரசின் பரிசை பெற்றது.
- “திரைக்கவித் திலகம்” என்ற பட்டம் வழங்கியவர் "குடந்தை வாணி விலாச சபையினர்".
- ஜகம்புகழும் புண்ணிய கதை ராமனின் கதையே என்று 53 வரிகளில் ராமாயணத்தை சுருக்கமாக எழுதினார் .
நினைவை விட்டு அகலாத சில பாடல்கள்:
- கடவுள் என்னும் முதலாளி ( விவசாயி )
- சத்தியமே லட்சியமாய்க் கொள்ளடா… ( நீலமலைத் திருடன் )
- ஏர்முனைக்கு நேர் இங்கு எதுவுமே இல்லே ( பிள்ளைக்கனியமுது )
- காவியமா? நெஞ்சின் ஓவியமா? ( பாவை விளக்கு )
- முல்லை மலர் மேலே மொய்க்கும் வண்டு போல ( உத்தம புத்திரன் )
- கண் வழி புகுந்து கருத்தினில் கலந்த ( தூக்குத் தூக்கி )
- சமரசம் உலாவும் இடமே ... (ரம்பையின் காதல் 1939)
- சிரிப்பு… இதன் சிறப்பைச் சீர்தூக்கிப் பார்ப்பதே நம் பொறுப்பு ( ராஜா ராணி )
- ஆளை ஆளைப் பார்க்கிறார் ( ரத்தக்கண்ணீர் )
- ஆனாக்க அந்த மடம்… ( ஆயிரம் ரூபாய் )
- கோடி கோடி இன்பம் பெறவே ( ஆட வந்த தெய்வம் )
- வருவேன் நான் உனது மாளிகையின் வாசலுக்கே ( மல்லிகா )
பாடல்கள் நாட்டுடமை:
மருதகாசியின் திரை இசைப் பாடல்களையும், புத்தகங்களையும் மே 2007 இல் தமிழக அரசு அரசுடைமை ஆக்கியது.
கவிஞரின் வாரிசுகள் 9 பேருக்கும் ரூ 5 லட்சத்தை அப்போதைய முதலமைச்சர் கருணாநிதி வழங்கினார்.